Te maumahara a tētahi mokopuna ki tōna koroua whai muri i te whakapāha ā-Karauna ki a Taranaki iwi

I ngā tau tekau mā waru rau, he tata ki te whā rau ngā uri o Taranaki i herea, i heria hoki e te Karauna ki Te Waipounamu.

Ko Ōtepoti me Hokitika ngā wāhi hiranganui ki a Ngāruahine nā te mea, ko te nuinga o ō rātou tīpuna i mau ki te mekemeke, i tukua kia mahi, ā, ko ētahi i mate.

I tēnei wiki i tuku whakapāha te Karauna ki a Ngāruahine i Hokitika.  E hia kē nei ngā uri o Taranaki i mauherea ki Te Waipounamu i ngā tau tekau mā waru rau, ināianei kua hoki atu te mokopuna a tētahi o ngā uri i mauherea ki Hokitika ki te whakatau i te mamae i pā ki tōna tupuna.

Hei tā Hinewai Bighan, “Ko toku koroua, te matua o toku whaere tētahi o ngā uri i mauheretia i hoki mai, ko ia tētahi o ngā tāngata waimarie.  Kāore au i tūtaki i a ia.”