Matariki rapa i te rangi, hao i te tangata. Kua kotahi atu ngā iwi o te motu me ōna rangatira ki Te Papa kia tangihia ngā mate o te tau kua pahemo.
He tira haere kua maumaharatia, he tau hou kua huraina.
Ko ngā maharatanga ngā wāhie e whita ai ngā kāpura. E hei tā ngā rangaira i tae atu ko t korenga o ngā tino o te Ao Māori he āhuaranga e rongohia ana.
"Ko Hema tērā tō tātou toka tū moana i ākina ngā tai me ngā hau o Tāwhirimātea. Ko Piri hakoa te kaupapa kei konei rāua ki te tautoko i te kaupapa. Nā reira e tika ana kia hoki wairua mai rāua i roto i te whakanuitanga o te Tauhou Māori. " Arapata Hakiwai
"Me kī rā ko Aunty Hema, ko Pāpā Piri, ko Te Huirangi ko rātou. Otirā ko rātou i hinga i te urutā kia mauhamara tonu rātou koia te ātaahuatanga o te kaupapa o Matariki" Taharakau Stewart
Nā ngā iwi o Taranaki, Rangowhakaata, te Atiawa me Ngāti Toa Ragatia te motu i pōhiri kia kōrero nōki mō te āpōpō o te mātauranga Māori.
"Kia whakanui nei i te Mātahi o te tau hou Māori he wā kia hoki whakamuri, he wā kia titiro whakamua" Hakiwai
Ka Haere tonu ngā whakanuitanga ki Te Papa mō te roanga o te wiki.
