I te rā nei, nā te hunga hīkoi te kaupapa i heri ki ngā tiriti.
He tīmatatanga moata mā Hinewhare Harawira i tēnei rā hei whakarite i te ope hīkoi whakahē i te patu tangata.
Inanahi rā, nā rāua ko tōna whaea a Titewhai i ārahi i a Tā Owen Glen, te kaitautoko ā-putea i tēnei kaupapa ki runga i te marae o Te Tii i Waitangi.
Engari nō muri mai ko rāua ētahi o te hunga i ārahi mai te Pirimia a John Key, ehara hoki i te mea i tau te rangimarie.
Ahatia e whakaae ana te kuia, rawarawa tētahi i pei i a ia, he kōrero anō pea kei ngā whakaahua i kapo ake.
Hoki mai ana ki te hīkoi, e kore ia e kii engari ko ngā wahine tonu ngā parurenga.
Kua roa e porotū ana mō te kaupapa.
I kii mai a Annette Sykes, “Kei te maumahara tonu au i ngā wahine e kohuru ana i tērā tau ko tēnei te hīkoi kia whakamaumahara ia rātou.”
Ko te whakamutu i te patu tangata tētahi take e tautokotia ana e te marea ki konei. Me te whakaae anō, e kore hoki e mutu kia kōkiritia rā anō e ngā taha katoa.
Kairīpoata: Dean Nathan
