Te Rā Tuatoru o te Whakawākanga Easy Rider

Tokowaru ngā tāngata i mate i runga i te Easy Rider i te tau rua mano tekau mā rua.

Kotahi noa iho te mōrehu i puta i tēnei tino parekura o te tai.

I tīmata te whakawākanga i tēnei wiki, ā, kua kaha kite anō ngā whiu kupu i te kōti ki a Gloria Davis, te hoa rangatira o Rewai Karetau, te kaiurungi o te waka Easy Rider, i mate i te parekura ki ngā tai o te Ara-a-Kiwa.

Ko Gloria anō tōna māngai kōrero, ā, he mārama te kite i te uauatanga e poke nei i a ia i te kōti.

Nā te Mana Hauata Moana ngā whiu e rima i uhi ki a Davis me tōna kamupene a AZone, nō rātou te mana whakahaere o te Easy Rider.  Ā, e ai ki tētahi kaimātakitaki, kāore te waka i tika hei hari ope pāhīhī pēnā te nui.

E rua tekau mā rima ngā kaiwhakakite ka tū ki tāpae kōrero ki te kōti, ā, hei te wā tītoki tau ai ki te kōti.