Te tūhura i te mako kaitā mā

Tema Hemi

Kua whai hua anō te ao pūtaiao i tēnei uri o Tangaroa kua pae ki uta, ina hoki māna ngā mahi rangahau a ngā kaimātai koiora e taunaki kia whai māramatanga ai tātou mō tēnei kaiaruaru nui o te mōana.

E whakahaumaru ana ngā mango taniwha, he iti noa iho te wā ka riro tētahi ki a mātou. Hei te wa ka hora mai tētahi e mate ana ki tātahi ka whai wā mātou ki te kohikohi raraunga kia ako ai i tā rātou mātai koiora.

Ko tā te kaiwhakahaere pūtaiao ki Tāmaki Peangahira a Tom Trnski, "E whakahaumaru ana ngā mango taniwha, he iti noa iho te wā ka riro tētahi ki a mātou. Hei te wa ka hora mai tētahi e mate ana ki tātahi ka whai wā mātou ki te kohikohi raraunga kia ako ai i tā rātou mātai koiora."

Ko te ketuketu ake i ngā kura huna o tēnei tipua ehara i te mahi māmā.

Ko tā Trnski anō, "He whānui tonu a mātou mahi mehua kia mōhio mai mātou e pehea ana rātou rereke ai, e tipu ai. Ka āta tirohia mātou ki tā rātou e kai ai, he aha ngā pirinoa ki ā rātou. Kātahi ka kohikohi kiriwai kia mōhio mai i ngā momo whakaheke."

He pēra anō ki ngā kararehe korehāhā o te moana, ka noho te mangō tangiwha ki raro i te korowai manaaki o te ture.

Ko te kōrero a Trnski, "He hiahiatanga nui to mātou me ēnei mango nui ā ko te nuinga e pokerekere ana ā e mate haere ana hoki."

Nā Tākuta Lance O'Sullivan i kite tuatahi i te mangō taniwha i te moana o Tokerau, kātahi ka tōtika ai āna whakaaro ki ngā akoranga e tāea ai mā ngā uri o Te Hiku.

He ai ki a O'Sullivan, "He nui ngā akoranga mā rātou te haere mai me te kite atu i te wāriu o ēnei rangahau ā e pehea hoki e whakapā ana ki a rātou. Ka whai mātauranga rātou mā enei rangahau i te rā nei ma reira pea ka whakawhānui hoki i tā rātou mōhiotanga ki te taiao."

Hei ai ki tēnei uri o Ngāti Kuri, e rata pai ana ia ki tēnei whēakotanga. Ko tā Zyonne Petera no Ngātaki, "he rawe ngā mahi nei kia wātea mai mātou ngā tamariki ki te āta tirohia ki ngā kaipūtaiao me a rātou mahi."

I whakakōpani ai a Trnski me tēnei kōrero, "He iti noa iho ngā wā mā mātou te whakātuhia ēnei mahi ki te matawhānui. Kua tūmatawhānui i ngā wā o mua i ahua haukerekere ai mātou. He huihuinga pai tēnei i te mea ka mahitahi me te iwi."

He kōtahi ira waru mita te roa o tēnei mango taniwha, ā e rima tekau mā rua kiro karamu tana taumaha ahakoa tana taiohi, he koi ana niho he nui tana ngau.