Neke atu i te tekau o ngā whānau kāre anō kia hoki ki o rātou whare noho ai kotahi tau whai muri i ngā waipuketanga ki Te Patutātahi. Koinei te waipuke kotahi i roto i te rima rau tau, kotahi mano, waru rau te hunga i whakawātea mai i o rātou kainga.
Ki tā Judy Turner, koromatua tuarua o Te Kaunihera o Whakatane, “kei te mōhio au he nui tonu ngā whānau kāre ānō kia hoki ki o rātou kainga, nō reira he tau roa tēnei mo rātou. He wā hoki tēnei mo te whakanui, ahakoa ngā whakawhiu e kotahi tonu ana te hapori o Te Patutātahi koinei rā te hua nui”. I tēnei ata i tuku ngā karakia whakamoemiti ki runga i te tiriti i rongo i te nui o ngā tūkinotanga mai i te waipuke tekau mā rua ngā whare i whakakorehia, ā, i whakamāro te papa aukati i te awa whai muri i te putanga mai o te arotakenga mo te waipuketanga.
Mo Kylie Provan te kaiwhakarite i te karakia “mo te nuinga o tātau i ohorere tēnei tūahuatanga mo rātou i tino pā ki ngā whakawhiu, ko au tētahi i awhina i hapai”. Kotahi tau ki muri kotahi mano, waru rau te hunga i whakawātea mai i Te Patutātahi. Tekau mā rima ngā whare i rāhuihia, rua rau, rima tekau ngā whare i pā ki ngā whakawhiu o te waipuke. Ki tā Lorraine Hale me tōna whānau ko rātou te hunga i waimarie. “Kotahi wiki muri iho ka whai wā mātou te taki hoki mai ki te kite i ngā mahi hē, i ngā mahi e kinohia e te waipuke ki roto i to mātou whare, nei ka tū ki konei ka tangi”.
Āpōpō ka whakakotahi te hapori ānō hei whakamahara i te kotahi tau i tū ai te waipuke.
