Te whakapatipati a Nāhinara ki ngā kaihoko whare tuatahi ki tō rātou whakarewanga pōti

Ki tā Nahinara, i whakapuaki i tetahi kaupapa here hou e whakamāmā ana i tā te tangata hoko i tōna whare tuatahi, he kaupapa rua rau tekau mā waru miriona te utu.

I raro i te kaupapa here hoko whare ā Nāhinara, ka āhei te tangata ki te whakamahi i te katoa o āna pūtea Kiwisaver, hāunga rā te kotahi mano taara 'Kick-start', ki te hoko whare.  Āpiti atu, ka tāruatia te pūtea āwhina ā-kāwanatanga, ā, ka hiki te taumata utu mō te hoko whare. 

Tūturu, e manako ana a Nāhinara mā tana kaupapa whare e tōtō mai i te aro i ngā whakapae Dirty Politics.

Heoi, ki te kore tēnā rautaki e tutuki, ko tā John Key he kore e whakautu pātai.