Tērā tētahi kaupapa nā Auckland Transport e whai nei kia ākiaki i te kia waihotia atu a rātou waea

Tērā tētahi kaupapa nā Auckland Transport e whai nei kia ākiaki i te kai-hautū waka kia aro pū ki te hautu, ā, kia waihotia atu a rātou waea pūkoro ki te taha.

He hononga hoki tēnei ki te aronga matua a Te Ope Pirihimana ki ngā hapa ka mahia i runga i ngā rori.

I puta hoki mai tēnei kaupapa hou e kīa nei ko "Oi" i te putanga mai o ngā tatauranga hou e tohu ana, e rahi ake ana ngā kaitaraiwa e whakamahi ana i a rātou waea pukoro, neke atu i te rua tekau mā tahi mano i hāmenetia mō taua mahi i tērā tau.

I te tau rua mano tekau mā toru, he tata ki te tekau mā whā mano tāngata kē i taka ki te hē.

Ko te huri i te aro mai i tō wāea pūkoro me tō pūmanawa tau tono, kia aro pū kē ki te taraiwa i tō waka.

Heoi anō e māharahara ana te Rōpū AA mō te kaupapa "Oi", kei huri pea te tangata ki te tango i ngā kī mai i ētahi atu kaitaraiwa.

Heoi e tautoko ana rātou kia puta ngā whakatupato i runga i te ngākau mārie.

I tērā tau i whakaputa i a Tāmaki Makaurau Waka i ētahi rangahau, a i kitea he ono tekau mā rima ōrau te hunga kaitaraiwa kei wāenga i ngā tau rua tekau ki te rua tekau mā iwa e whakamahi ana i ngā wāea pūkoro i a rātou e taraiwa ana. 

E ai ki ngā pirihimana, e rima ngā aitua nui i wāenga i te tau ruamano mā iwa ki te tau ruamano tekau mā toru nā te whakamahinga i te wāea pūkoro.

Ko te karanga ā te rōpū AA ki ngā kaitaraiwa, mehemea ka mau koe e kōrero ana i to waea, he whainga nui te utu.