"There's no way I'm leaving without that belt" - Melody Diva Downs

Ruth Smith

E haere atu ana te kaiwhawhai toa o Aotearoa, a Melody "Diva" Downs ki Korea e mau ai i a ia tōna paerangi

Ka pakanga te wahine toa nei ki a Eun-Jin Choi. Ko te taitara Intercontinental WKA K1 mō ngā wāhine o raro iho i te 67 kirokaramu te whai.  Kua puta te kōrero ko te taitara ā-ao ka arumia, ā, e tūmanako ana kia whakahokia mai tēnei whawhai ki te kāenga tū ai.

Hai poutuarā a Miriam Tio, kaiwhawhai o mua i ngā mahi Muay Thai, ki a Downs.

E mārama ana te tokorua he whai wāhitanga pai tēnei hai whakatipu i ngā kaiwhawhai wāhine o Aotearoa. 

Heoi anō mō tēnei wā, e aro pū ana te tokorua nei ki te taonga nui e ea ai ngā hekenga werawera o ngā marama tata nei.

Rere atu ai te tokorua nei ki Korea āpōpō, e tau pai ai mō te whawhai hai te Rāhoroi.