Nā tōna 100 ngā mema, kaitautoko hoki o SOUL te karanga ki Te Kaunihera o Tāmaki kia tiaki i a Ihumātao.
Ki waho i te Whare Tapere o Tāmaki Taone ikapahi atu ai a Pania Newton rātou ko SOUL (Save Our Unique Landscape) whai muri i tā rātou whakaekenga ki te hui a tētahi ohu whakahaere i te Kaunihera o Tāmaki.
Kotahi tonu te karere a Pania. Me whai wāhanga te Kaunihera ki te ara tiaki i a Ihumātao.
Ahakoa te tokoiti o te hunga kei Ihumātao tonu i tēnei wā, e whakapono ana a James Matiu-Epiha (Te Rarawa), kaare anō ā rātou mahi kia moumouhia, he tōrunga anō hoki te wairua.
Taihoa e whakapono ki tāu e kite ai i te pouaka whakaata, i Pukamata, i hea ake rānei tā Matiu-Epiha kōrero. "Haere ki Ihumātao. Kei te pakanga tonu engari kei te tiaki hoki rātou i te kaupapa anō hoki."
