Tokomaha ngā kaipara Māori ka tae atu ki te Taumāhekeheke Hoa Whenua

Kāore anō kia pēnei rawa te nui o ngā kaipara Māori ki tētahi Taumāhekeheke Hoa Whenua. He whā tekau mā waru katoa ngā uri Māori ka tātāwhai i ngā momo hākinakina.

Ka whāia e Rereātea ngā kaikauhoe Māori a Laticia-Leigh Transom rātau ko Bronagh Ryan, Corey Main.

Ka aruhia hoki ko te kaimamau o Tainui, a Tayla Ford, me te kaitākaro haupoi Māori nō Ngāpuhi, a Samantha Harrison.

Mō ētahi, koinei tā rātau taumāhekeheke Hoa Whenua tuatahi. Mā Rereātea ngā aupiki katoa e tuari atu ki a koutou hei ngā wiki e rua e tū mai nei.