Tōna $400k kua puta i a Kamupūtu Paraire ki te awhi i ngā tamariki e raru ana ngā whakaaro i te wā Kirihimete

Jessica Tyson
Whakaahua: Māngai rangatahi I Am Hope. Pūtake: Pukamata, I Am Hope.

E $395,880 o ngā pūtea i takohahia ki te kaupapa Kamupūtu Paraire i tēnei tau ka whakawāteahia anō ki ngā kaitohutohu hei awhi i ngā tamariki o Aotearoa i te wā o te Kirihimete me te Tau Hou.

I te Paengawhāwhā o tēnei tau, nā Aotearoa te $1.3 miriona i takoha ki te kaupapa o Kamapūtu Paraire, kia noho kore utu ai te mahi tohutohu i ngā tamariki. 

“To 23 September, more than 2,000 kids accessed over 7,600 counselling sessions through the Gumboot Fund,” te kōrero a Mike King me te rōpū The Key to Life.

Neke atu ki te 900 o taua rahi, he tamariki e 8 ki te 11 tau te pakeke, e 600 o rātou i waenga i te 12 ki te 15 ngā tau, ā neke atu i te 500 i waenga i te 16 to 19.

“Demand was spread across the country with the highest levels in Otago, Canterbury, Auckland, Wellington, Bay of Plenty and Waikato.”

E wātea tonu ana te $395,880 i te mea, kaare i taea e ngā tamariki te katoa o ngā hui i whakaritea i tēnei tau, nā reira kua whakahokia aua pūtea ki te puna kia tuarihia anō. 

“At an average cost of $120 per consultation, more than 3200 sessions will be accessible. To ensure we reach as many young people as possible funding approval will be given for four sessions per person over six weeks. Any unused sessions after this period will again go back into the pool for reallocation.”

E ai ki ngā tatauranga i puta i Te Tāhū o te Ture i te tau ki muri, i kitea, ko ngā tatauranga mō te mate whakamomori i Aotearoa i piki ake i ngā tau e whā karapīpiti i mua, ā ko konei e noho mātāmua ana i te ao mō te mate whakamomori i waenga i te hunga rangatahi. I tērā tau, 137 ngā rangatahi i mate whakamomori, ka mutu ko te whakapae, ko tōna 3,500 i whakamātau ki te whakamate i a rātou anō.  

“While Christmas is a joyous occasion for most kids, for others it is anything but. For a lot of young people, particularly those who have lost a loved one during the year, Christmas is a very triggering period and we are wanting to do everything thing we can to ensure help is there if and when they need it.”

Kua tīmata kē ngā whiriwhiringa mō Kampūtu Paraire hei te 3 o Paengawhāwhā ā tērā tau, ā ka puta ngā whakamārama hei te tau hōu. 

“We’re aiming high, at a stretch target of $5 million, because of the overwhelming demand for help. A lot of activity is planned across the country and we can’t wait to get into it.”

Heoi, tērā te āki a te ohu The Key to Life ki te hunga ka hiahia āwhina, kia tirohia ko wai e wātea ana, ā me whakarite wā e whakawhiti kōrero ai.

Mēnā e mate nui ana, me wawe te waea atu i te 111. Ki te hiahia kōrero atu ki tētahi kaitohutohu e mātau ana, pātuhi, waea atu rānei ki 1737 ahakoa he aha te wā i roto i ngā haora 24 o te rā.