Kua eke panuku te kapa haupoi taitama tāne o Aotearoa ki te kapa taitama tāne o Queensland, i tū ki Tūranganui a Kiwa.
Hei tā Te Huatahi Edmonds Rangitauira (Te Arawa, Ngāpuhi, Ngāti Porou, Whakatōhea), "Miharo pai te takaro o ngā tama tāne, i toa i ngā kēmu e rua, a koia nei te wā tuatahi kua toa e tēnei tīma i ngā kēmu e rua mō tēnei tōnamana ke kī nā reira mīharo pai."
Hei tāno anō, nā te mahi tahi eke panuku ai rātau.
"Pūkenga nui tō te tīma i tēnei tau, āhua rangatahi hoki, ko te whanaungatanga hoki o ngā tama i rāngona i runga i te whīra."
Ko tā Matariki Tane Bennett (Te Arawa, Waikato Tainui), "I tino pai te mahi tahi o ngā tama, ahakoa nō wīwī nō wāwā ia tama i roto i tēnei tīma i mahi tahi mai i te timatanga ki te mutunga."
E ai ki ngā kaitakaro nei, he maha ngā hua ka puta i tēnei nā whakataetae.
He whakakotahi i a tātau ngā Māori hei tākaro mō tēnei tūmomo hākinakina, kāore e tino i ngā Māori i ngā Māori e takaro ana i tēnei hākinakina nā reira āe mīharo pai.
Ko tā Matariki Tane Bennett, "Te āheinga ki te tākaro ki whenua kē me tō rātau āhua tākaro, he tino wheako mō tātau katoa, rātau hoki."
He hua anō tō te kōrero Māori ki te papatākaro, koia tā Te Huatahi.
"Nā tātau anō i whakaako ki ngā tama kāore e mōhio pēhea te kōrero Māori, nā mātau rātau i whakaako, nā tērā i taea ai mātau te kōrero Māori i runga i te whīra."
Kei te tiro whakamuangā taitama ki te whakataetae Haupoi Māori-ā-motu.
"Tino hīkaka te nuinga o ngā tīma ki te toa i te torowhe nō reira ae ko te manako ia ka whakahoki mai ki te Waiariki, " te kī a Edmonds Rangitauira.
Ka tū te whakataetae haupoi Māori ā-motu hei te 20 o Oketopa.
