Kei te anga whakamua te whakataunga kereme o Ngāpuhi i te hainatanga o tētahi kawenata tikanga whiriwhiri, ki waenganui i te karauna me te rōpū Tuhoronuku.
Kei te aki tonu te heamana o Tuhoronuku i ngā hapu katoa o Ngāpuhi kia kake ki runga i tana manu aute.
Hei tā Sonny Tau, “Maī te timatanga ā tae noa ki te mutunga kua tae ki tēnei wahi I tēnei wā ki te wahi I oati ai a Tuhoronuku kit e iwi o Ngāpuhi ko te arungia e matou tēnei huarahi. Na kua tae ki tēnei wahi I tēnei heoi ano taku e tumanakohia ana kia anga whakamua ai a Ngāpuhi katoa.”
E mea ana a Tuhoronuku, horekau he take kotahi e tu tatari ai rātou mō ngā putanga o te tirohanga ohorere a te Taraipiunara o Waitangi ki ēnei whakahaere a te karauna.
Ko te hanga nei kua riro marika ma te rōpū Tuhoronuku e arahi i te whawhai o Ngāpuhi ki te tēpu whiriwhiri o te karauna kia utua e tēnei kāwanatanga ngā hara o ngā kawana katoa o mua.
Hei Tana Tau, “He whawhai nui tenei kia whawhai ai a Ngāpuhi kia te karauna mo ana takahitanga i Te Whakaputanga o te rangatiratanga o Niu Tireni me Te Tiriti O Waitangi. Kei reira kē te whawhai nui. I tēnei wa e mea ana au ka nui tenei kia hāere mai hāere tatou kotahi kia tae ki te mutunga.”
