He kaihī ika, he kaitiaki hoki i ngā mātaitai o te kainga. Kei te tumeke katoa te hapori o Ahipara ki te nui o ngā hāmene e uta ana ki runga i a Patau Tepania mo te tōmuri o tana tuku i ngā purongo ā-marama ki te tari ahu matua.
Na te whakawehi kei tangohia tana poti me tana oranga ki tua ka whakaae a Patau Tepania ki ngā hamene kua kawea e te tari ahu matua ki te aroaro o te kōti.
Ko Patau hoki te heamana o te Komiti Takutaimoana ki Ahipara e arahi nei i ngā kaupapa hei tiaki i ngā mataitai o tēnei kainga.
He tuatahitanga hoki kua whakaaetia kia whakawhiti i tēnei take mai I te kōti ki te marae o Roma i Ahipara, hei konei whakapuakihia e te kōti tana whakawhiu mo Patau Tepania a te rua tekau o Noema.
Ehara hoki i te mea ohorere kei te tumeke katoa te hapori ki te teitei rawa o nga hamene e iri ana ki runga i to rātou tangata mo ngā hara iti noa iho nei.
Ko te tumanako a Patau kia noho kore hara tonu ia, ā, kia kore hoki tana poti e riro.
