Ko ngā mahi poroteehi o ngā tau ono tekau, e whitu tekau, ko Ranginui Walker tētahi o ngā ahorangi e whai mātauranga ana ki te Whare Wānanga o Tāmaki Makaurau, ā i tino tautoko ia i ngā roopu totohe pēra i Ngā Tamatoa me ngā Polynesian Panthers.
Ehara ko ngāi rangatahi Māori anake i tahuri atu ki ngā mohiotanga me ngā mātauranga a Tākuta Ranginui Walker, engari arā ano ngā maumahara a Will Ilolahia o te rōpu Polynesian Panthers mo ngā wā e pēhia ana ratou e ngā ture me ngā tikanga a tauiwi.
“A lot of our members were very involved in the te reo māori petition, land march and all the other activities that supported Māori,” hei tā te tahi mema no te Polynesian Panthers, a Will Ilolahia.
Hoki mai ki ta tatou ake kaiporotēhi rongonui o Ngāi Tūhoe a Tame Iti, kāre e pau ngā mihi mo te wā i tutaki ai aia ki a Ranginui Walker i te tau 1972.
“Tino rata mārika aia ki ngā kaupapa e kōrerohia ana e matou o Ngā Tamatoa, me kī rā koia tonu rāua ko Patu Hohepa koinei ngā tokorua i roto i te whare wānanga o Tāmaki Makaurau,” hei tā Tame Iti.
Ko ngā maumahara harikoa a tenei kaiporoteehi o mua mo tēra rangatira a Ranginui Walker, he mahana me te aha ahakoa heaha ana mahi ana kōrero, he hōhonutanga he māramatanga kei roto.
“The explanation that he gave me in regards to Māori time, he gave me some sort of historical perspective in regard to the way of iwi and that, and I just thought oh well that's just us, came in handy for the sleep in and being late,” hei tā Ilolahia.
Otira hei tā Tame e orite ana te whawhai a ngā rōpu tautohe, me te whawhai a ngā tohunga whai mātauranga, heoi ko ngā taputapu kē te hanga rerekē, “Kāre atu i reira kia tohea ngā kaupapa, kaua rawa e noho noa iho ā, me tana kite kei te tika te haere, koia tonu tēra, koia tonu tēra, kāre i runga noaiho ia matou a Ngā Tamatoa, koira tonu tōna āhua tōna wairua.”
