He arotake e kōkirihia ana mō te matenga o tētahi tāne Māori, e rua tekau mā waru ōna tau, nā te whakahau a te Minita Take Hauora Hinengaro o New South Wales. I mate whakamomori a Joshua Nixon i muri mai i tā tētahi hohipera mate hinengaro pei atu i a ia, he tata ki te kotahi wiki kaare ia i maimoatia e te mātanga. Tērā ia te pātai, tokohia o Aotearoa kua pērātia?
I roto i ngā tatauranga whakamomori ki Aotearoa, ko te iwi Māori tonu kei runga noa atu. He tata ki te hauwhā o ngā mate whakamomori rima rau, e ono tekau ma rima i tēra tau, he Māori.
E ai ki te Pou Ahorangi o Te Rau Matatini a Marama Parore ki a Te Kāea, "It makes me weep. It is difficult to understand what's happening in the system when people are accessing acute services and what the impact on them and their whanau and their community is."
Ko te tatauranga nunui rawa tēnei nō te tīmatanga o ngā tatau takitaro i te tau rua mano mā whitu, mā waru. E toru tekau mā rima tāngata te kakenga i te tau 2014. Engari tokohia o ēnei i kimi āwhina i mua i te whakamomori?
Hei tā Parore, "I just wouldn't have any idea of that number and I don't know where you'd find that information."
I pātai atu a Te Kāea ki Te Manatu Hauora; tokohia;
- I kimi awhina i mua i te whakamomori
- I peia e nga ratonga awhina, mō te aha hoki te take.
- Ka tukua moata i nga ratonga awhina
- Tokohia i kimi awhina ano.
Ko te whakautu, kaore ratou i kohi i ēnei momo tatauranga.
"That's almost impossible to count. What we know is that we haven't collectively made a difference to the numbers they are persistent and it's not ok the only way we are going to fix this is by working together in a much more determined manner to strengthen our communities," hei tā Parore.
Ko tā Tākuta John Crawshaw māngai o te Manatu Hauora, ko te Manatū ka mau ki ngā rangahau maha nā ngā Poari a rohe rua tekau i tuku, heoi, kei nga poari a rohe nga rangahau whānui rawa, i te mea na ratou ngā ratonga i tuku.
Me he āwangawanga āu mō tētahi tangata e noho mānukanuka ana tēnā whakapā atu ki te nama waea o Lifeline, ki 0800 543 534 rānei o Suicide Crisis Helpline, 0508 TAUTOKO
