I rongo kaha ngā Kārearea o Amerika i te riri o ngā Ōpango Māori ki Chicago i te ahiahi nei, ka haukerekeretia rawatia ngā Māori i te haukainga e rima tekau ma waru ki te whitu ngā tatau.
Nā ngā Māori te wero i whakatakoto ki te aroaro o ngā Kārearea, nā wai nā wai ka wawe tā rātou whakautu kia whai mana i te kēmu i ngā mēneti tuatahi.
Heoi tē taea te pakaru i ngā rārangi ārai, ka hoki mai ngā Māori i ngā meneti tekau i te ringa koi o Damian McKenzie kia whakatau ai a James Low i te pōro.
He wā anō ma ngā Kārearea te whai piro heoi nā ngā hapa kīhai i ea.
Ā, nā tētahi rutu kaki ka whai wā a Akira Ioane ki te whakaea i tētahi piro whiu. Ā kua whakawhanake ngā piro o Aotearoa i te waewae kaha a Ihaia West.
Kīhai i roa, ka piata mai anō a West i tēnei whana ki a Low kua tutuki i te piro tuatoru mō Aotearoa, a ko Ash Dixon ka whakamutu i te wehenga rua. Rua tekau ma waru ki te kore ki ngā Māori.
He whawhai ururoa ma Amerika i te wehenga rua, kaore anō kia whai piro. Ka waimarie i te kāpene a Todd Clever ki tutuki ma rātou.
Engari kīhai he nawhe ma te haukainga kīhai mō te karo i ngā manuhiri, ka whakawhanake tonu i ngā piro.
Nā Joe Royal te kōrero whakamutunga, ko Damian McKenzie hei kīnaki mā ngā Māori. Rima tekau ma wha ki te whitu ki a Aotearoa.
Hei te Rāhoroi e heke mai ana tuki atu ngā Māori ki te kapa Munster o Airani i te tukinga tuarua o tō rātou haerenga.
