Waikato-Tainui pūmanawa tautono

E anga whakamua ana a Waikato-Tainui i tā rātou rautaki, Te Mana Mātauranga, i raro i te maru o Whakatupuranga rua mano rima tekau, i te rewanga o te pumanawa tautono mō te Poukai.  He mea hangā me te Tāhuhu o te Mātauranga.

Te pumanawa tautono Poukai, he rauemi hou hei whakaako i ngā uri me ngā moroitiiti o Waikato Tainui ki ngā tikanga me ngā kawa o te poukai, te kīngitanga me ngōna tikanga.

Hei tā Hone-Haunui Rapana, Ko Te whakaaro i hua mai Kia whakakotahi ai te ao hangarau me te ao rangatahi kia āhei ngā kaupapa, ngā kōrero tuku iho ki te whakawhārikihia ki roto i ngō rātou ao,

Mā te tirohanga o tētehi kuia e whakamārama ana te kaupapa o te poukai ki tana mokopuna. E hāngai, ngāwari hoki ana te huarahi whakaako o te pumanawa tautono ki te hunga moroitiiti, mo te kore utu.

Otia, e whānui ana te titirohanga, kia whai wāhi ai ngā iwi katoa ki te poukai me te pae tawhiti, kia tae a tīnana atu ngā uri katoa ki ngā huinga poukai.