Waitangi Tribunal inspects Mataatua canoe site

Ko te takotoranga whakamutunga o te waka o Mataatua tētahi o ngā tohu whenua e tirotirohia ana e te Taraipiunara o Waitangi i te rangi nei, i mua i te whakawākanga take mō Ngāti Rēhia āpōpō.

Nora Tawhi Rameka, “Kia ahatia atu I roto I nga harurutanga engari e pai ana kua tae mai ki te wahi I hiahia a Ngāti Rehia kia tae mai ratou kit e kite na te mea kei konei te timatanga mo tatou o Ngāpuhi ki roto I nga kōrero engari e hari ana kua tae mai I tēnei ra kia kite ratou I te waka o Mataatua.”

Ko te hiahia a Ngāti Rehia kia rongo a ngakau tēnei rōpū kit e wairua o tēnei o ngā tino wahi tapu o te iwi.

No te ra nei I tae mai a Ngāpuhi whanui ki roto o Ngāti Rehia hei tautoko I tēnei kaupapa.  Me te kii a Ngāti Rehia, ehara I te mea ko a rātou nei kereme hei rongotanga ma te taraipiunara anakenake.

Hei tā Nora Rameka, “Ko te mea nui ki au kia haeretahi tatou katoa ngā hapu katoa o Ngāpuhi I runga I te kaupapa e ora ai tatou mo nga ra kei te hāere mai.”

Mai I konei ka powhiringia te taraipiunara ki runga o Whitiora marae I Te Tii.  Hei apopo timata marika ai ngā kōrero a Ngāti Rehia.