Watene ki Hauraki play to honour tupuna Puti Tipene Watene

Kei waenganui i ngā tini kapa e pakanga ana i te whakataetae riiki Māori ā motu i Wainuiomata i ēnei rangi whakatā - ko tētahi kapa e kawea ana i te mana o tētahi tāiki ngāpara riiki Māori o te motu.

Ko Watene ki Hauraki tētahi kapa ā whānau e tākaro nei i te whakamaharatanga ki a Puti Tipene Watene - kāpene Māori tuatahi rawa o te kapa Kiwi.

Ā, koinei tō rātou tau tuatoru i te whakataetae - ko te whāinga matua kia puta, kia ora ngā uri whakaheke i te ao riiki pēnei anō i tō rātou tupuna koroua.

Ko te rere o te waewae Māori me te pakari o ngā rutu Māori tonu

Koinei e pakangahia ake nei e tētahi kapa ā-whānau i tēnei tau

Ko tā Moehau Husband, Kaiwhakahaere, Watene ki Hauraki, “Āhua tauhou tonu mātou te whānau o Watene ki Hauraki ki tēnei reanga ki tēnei whakataetae. Engari ko te take kei konei mātou ko te whakarite i te tūāpapa mō ngā uri whakatupu.”

Kei te rangi tuarua, otirā te rangi whakamutunga o ngā whakataetae riiki Māori ā motu i Wainuiomata i tēnei tau. He kaupapa ā iwi, he kaupapa ā hapu, otirā ia he kaupapa ā whānau, ko Watene ki Hauraki e mārohirohi ake nei.

Hei tā Takoha Ropati, (Ngāti Hine, Ngāti Ranginui) “Pakanga ki runga i te whīra, engari a muri o te kēmu he tino pai ki te kōrero ki a rātou, ki te whakapapa pea ki a rātou.”

Engari tonu, he take nui anō tā Watene ki Hauraki i haramai ai ki te mura o te ahi riiki Māori.

Ko tā Husband, “Kei konei mātou ki te whakatairanga i te rangatiratanga, i te mana me kii, o tō mātou koroua, Puti Tipene Watene, te kāpene Māori tuatahi o te kapa o Aotearoa.”

Me te aha, i tōia mai ētahi o te whānau i tāwāhi. Tokowhā ngā kaitākaro me ngā kaitautoko tekau mā whitu i hoki mai i Poihākena ki te tautoko i ngā whakahaerenga.

Hei tā Ray Husband (Ngāti Maru) “I could honestly say from the bottom of my heart, this is an experience that you couldn't get anywhere, when you come over from Sydney, as a young man, and having experienced the mana and strength of our people and the warm kindness this is a good place to experience it.