We demand Citibank pull their investment - Ngāti Hau mining protestor

Ko Citibank i Tāmaki Makaurau te whakaeke e ngā kaumatua o Ngati Hau i runga anō i te manako, kia aukati i te mahi tuku pūtea mō nga mahi keri koura i te maunga o Puhipuhi. E whakapae ana a Ngāti Hau kei te whai pānga te pēke ki te kaupapa maina, he heitara e whakahētia ana e te pēke.

Kua tae mai ngā kaumātua o Ngāti Hau me ngā kaiwhakahē i ngā mahi keri maina ki te whakatakoto i te mānuka ki te aroaro o te tari matua o te pēke Citibank.

Hei tā te Māngai o Ngāti Hau Vaughan Potter, “We demand Citibank pull their investment.  We would also appreciate it, if you could help us to pull that investment.”

E ai ki a Vaughan Potter, e tautoko ā pūtea ana a Citibank i ngā rangahau a te kamupene maina o Evolution ki te keri koura i te maunga o Puhipuhi, tata atu ki Whāngarei, engari, ka paruparu haere ngā wai.

“This sir is what we're going to be left with if Evolution continues to do their mining at Puhipuhi.  It is toxic, it is waste.  Ngāti Hau do not want it.”

I tae ohorere atu a Ngāti Hau ki te kaiwhakahaere haumaru o Citibank i Tāmaki Makaurau.

E ai ki te Kaiwhakaere o Citibank Risk a Andrew Ayling, “Thank you for expressing your concerns and coming.”

Kāore i konei te tumuwhakarae matua o Citi ki te whakarongo ki ngā nawe o te hunga porotēhi, engari, i pātai atu ki te kaiwhakahaere i konei, me ōna whakaaro ki ō rātou nawe, engari tē tāea te kōrero atu.

Mai i te tau rua mano tekau mā toru a Ngāti Hau me te hunga tohe e whakahe ana i ngā mahi a Evolutions.

“They're going to wreck our whenua, they're going to disrespect it and poison our water, and that water goes all the way to Dargaville,” hei tā tētahi Kaiporotēhi a Jenny Ashby.

“We want to go down showing that we fight for our mokopuna, we tried our best for our mokopuna.  As they say leave the footprints,” hei tā tētahi Kaiporotēhi a Moana Kake.

Ko te whakahau a Evolution Mining ki a Te Kāea, kāore a Citibank i te kaipupuru hea ā putea ki a Evolution, kāore hoki a Citibank e tautoko ā putea ana ki rātou me ngā mahi keri koura i Aotearoa.

Wheoi, e tū māro tonu ana a Ngāti Hau me ngā kaiporotēhi, ka kōkiri whakamua tonu ō rātou nawe.