Whakahiapo ana a Wheao Harry i ngā kaupapa Māori i tāna haere i Aotearoa

Prince Harry performs the haka with the NZ Defence Force

Ko te whai wāhi me te manawanui a te kōtuku rere, a Wheao Harry, ki ngā kaupapa Māori i tāna haere i Aotearoa e whakamihangia ana huri noa i te motu.

Ka pōhiritia a Wheao Harry ki Pūtiki Marae i Whanganui i te rā nei, ā ka haere tahi ia me ngā kai-hoe waka o te Marae i tētahi haerenga poto i runga i te awa o Whanganui.

Ko tāna haka ngātahi me Te Ope Kātua o Aotearoa inanahi kua eke ki ngā taumata kawe kōrero huri noa i te motu me te ao, ā ko te kiriata o tāna mahi kua urutā te kitea i te ipurangi.

E matapaetia ana, he mahi ka mau ki ngā kōrero tuku iho, ina rā koia te tuatahi o te Kāhui Ariki ki te ako me te whakamahi haka.

Ko te whakangungu mō te rua tekau miniti i āraia ki te hunga pāpāho i Te Papa Tauā o Linton, ā i tāna ekenga ki te haka, ko tōna hihiwa, ko tōna aronui ki ngā mahi ā ringa me ngā nekenekehanga i mārama te kitea.

I te papa tauā i toro hoki tōna ringa ki te hiki pae umu, ā i whai wāhi ia ki tētahi tākaro pā whutupaoro me ngā tamariki o Te Kura Noho ki Linton.

Ko te umanga tauā o Wheao Harry i ahu mai i tāna kuhunga atu ki ngā whakangungutanga āpiha i Te Kura Tauā a te Karauna ki Sandhurst i te tau 2005. I ea i a ia tētahi whakangungutanga, e whā tekau mā whā wiki te roa, kia tū hei Āpiha Tauira i mua i tāna ekenga i te Āperira 2006 hei Rūtene Tuarua i Te Ope Kāinga Rere Hōiho. Mai i te tau 2007 ki te 2008, e whitu tekau mā whitu ngā rā i oti i a ia hei hoia ki Helmand, i Afghanistan.

Ko te kiriata o te haka i whakamahia inanahi me mātakitaki ki raro nei.