Tokowhitu ngā tamariki a Pihitahi Whauwhau e tū ana ki roto i ngā rōpū e whā i tēnei Matatini. Hei tāna, ahakoa he mahi nui ki te whai haere i te katoa, he tūmahi e pārekareka katoa ana ki a ia.
Ki tā Pihitahi Whauwhau, “He mahi nui ki te whakarite, kei hea ēnei tamariki, ki hea wēnei, ki hea, ko te pai o taku mahi ki roto i te whānau ki te tiaki i ngā pēpē, ana i pērā mo te katoa i tēnei tū i te Matatini.”
Inanahi nei te tuatahi o ana tamariki i tū ki runga i te papa whakatūtū waewae i te taha o Tūtara Kauika o Mātaatua waka.
I tēnei rā tokorua ana tamariki i tū mo Te Hikuwai o te waka o Te Arawa.
Ko tāna tamahine hoki te kaitātaki wahine mo Te Whānau a Apanui. Hei tāna, mei kore ake ngā tautoko a māmā.
Puao Whauwhau (Te Arawa, Ngāi Tūhoe)
Tanawhea Whauwhau (Te Arawa, Ngāi Tūhoe)
E ai ki a Pihitahi Whauwhau, “Haututu rawa ta rātou whakataetae ki a rātou anō kia mutu ngā whakaharatau ka wāea rātou ki a rātou anō ki te kōrerorero, ana, i pai anō tā koutou, i pai ake ta mātou, ērā ahuatanga katoa me ērā kōrero, tino pai.”
Hei āpōpō te toenga o ana tamariki ka tū mo Te Kāheru Matarau a Hauā.
