Whitiaua Black's road to redemption

Ko Whitiaua Black o Ngāi Tūhoe te kaitākaro rangatahi rawa kia eke ki te kapa pā whutupōro tane o te motu. Tērā ia te nui o tōna rongonui i ngā papa tākaro o te motu, otirā o te ao. Heoi, i kino rawa te huri o tōna ao i ngā tau tata ki tētahi hoariri anō - arā, te whakapōauau.

Hāparangi mai ana tana reo tohutohu. Engari ehara rawa i te pērā i ngā tau tata ki muri

“I whāngaihia e au taku tinana ki ētahi taru, kāre e tika ana kia kaingahia e te tinana,” hei tā Whitiaua Black nō Ngāi Tūhoe.

Tērā hoki te tangi a te ngākau a Whitiaua Black i tēnei rā. He huia pā whutupōro i whānui te hau o tōna rongo i te papa tākaro o motu. Ā, nā wai rā hoki ia i taka kino rawa ki huarahi anō.

Hei tā Black, “Kua karia e au taku ake rua, engari nāku anō ahau i whakaputa mai koinā te mea pai o te whānau.”

Tuakana o te topatahi Āwhiowhio, Otere Black. Kua roa nei a ia e whakapaetia nei hei tino whetū pā whutupōro Māori. Nā wai rā i huri koaro katoa tōna ao

“Me kii, i roto i taua wā o te pōuri, ka tino kitea ko wai ō tino hoa, me kii ahau nei kāre he hoa i tua atu i aku teina, taku tuahine, taku māmā, me taku pāpā,” hei tā Black.

He putanga anō ki tōna hīnātore i te pōuri. Ināianei kua hoki mai ki te mura o te ahi

“Kāre au i te whakamā ki te kōrero i hapa au, me kii, ka hapa katoa tātou ahakoa ko wai koe,” hei tā Black.

Inā rā hoki ko tōna tākaro tuatahi i te kei o te waka, ki a Ahitereira a te pō nei ki Tāmaki Makaurau

“Piiki mahi, piiki mahi kei te wiriwiri ngā kare ā roto, engari kua mutu ngā mahi uaua, ināianei kei roto i ngā ringaringa o ngā kaitākaro.”

Me tāna i tohutohu nui ai ki ngā pūkenga pā whutupōro ā motu o te wā

“Ehara ko te mea nui ko tō takahanga, engari ko te tū anō koirā te mea nui.”

Te āhua nei, kua wikitōria kē te kaiako matua i te tākaro nui o tōna ao.