Wikitōria anō a Rotorua Boys i te taitara mo te kapa pā whutupōro toa o te motu

Rahia Timutimu

Kua whakangūngū a Rotorua Boys’ i tā rātou taitara ki te wāhanga tāne o te whakataetae NZ Secondary Schools mo te pā whutupōro, me te turaki ia Hamilton Boys’ i ngā rā whakangā kua taha ake nei ki te pāka o Bruce Pulman, ki Tāmaki Makaurau.

Wikitōria ai a Rotorua i tēnei taitara i te tau rua mano tekau mā whā, ā, i wikitōria rātou io rātou tukinga katoa kia tae ki te whiringa toa, i reira turaki ia Kirikiriroa, he whā kaute ki te rua.

Tokowhā ngā kaitākaro no Rotorua Boys’ i eke ki te kapa toa i kōwhirihia ai i te whakataetae nei, ko tētahi ko te uri nō Tuhoe, ko Ngarohi McGarvey-Black, ko ia hoki i whakaingoa ko te kaitākaro toa o te wāhanga tāne.

Ki te whiringa toa mo ngā kōtiro, i eke a Hamilton Girls’ ki te whiringa toa, ko tā rātou hoariri ko St Kentigern nō Tāmaki Makaurau.

He tukinga i kitea anō i te Rāhoroi, i wikitōria a Kirikiriria, he whā ki te rua.

Heoi, he rā hou, he tukinga hou, ko St Kentigern i toa i te tukinga nei, he whā ki te toru.

Ki te wāhanga hanumi, ko Mahurangi College i pakanga kia Whanganui High School mo te taitara, he tukinga tata, he iwa ngā piro i whai i te tukinga, engari ko Whanganui i toa mā te kotahi piro, he rima ki te whā.