Will the Kereru case mark the end of Raniera Sonny Tau's reign?

Ko te whakahau a te Mema Paremata Māori o Tāmaki Makaurau me heke iho a Raniera Sonny Tau i āna tūranga whakakanohi katoa. Koia tā Peeni Henare i te whakaaetanga a Tau ki te heitara i Te Kōti ā-rohe o Waihōpai mō te whakakotiti i te ara tika o te ture.

Ko te keehi kukupa te mutunga iho mō te pūkorero o Ngāpuhi mō Raniera Sonny Tau?

Hei tā Henare nei, me makere a Tau i āna tūranga katoa. 

“Korekore ka ahei ia ki te tutuki ngā hiahia o ngā hapori, ki roto i te hapori, engari ko te hiahia o Ngāpuhi kia anga whakamua..”

Engari horekau kē tetahi kaumātua o te Rūnanga-ā-iwi o Ngāpuhi e whakaae ana ki tēnā.

E ai ki a Nau Epiha he mema nō Te Runanga a Iwi o Ngāpuhi, “Waihotia nga taimaha, nga pouri kia haere, engari tukuna ia ki noho tonu ki tana waka. Ehara na tana mahi i te waka i raruraru ai te ao e pohehe nei, kua ngaro a Ngāpuhi.”

Nō nanahi nei ano, amenehia ai ngā hāmene whakapōrearea e Raniera Sonny Tau, whai muri i tana whāki ake, i rūkahu ia mena nānā ano ngā kukupa e rima i pupuhi.

“Kua roa rawa au, mai i te wa i timata tenei mahi i roto i te Kooti, i mea au me makere mai i nga tuuru, ka mutu, kua hamenengia a ia e te Kooti, i a ia nei na kua tae ki te wa me heke whakararo tooku matua”, hei tā Henare.

I mua i te pupunga ake o te kēhi nei, ko Tau te kaiurungi o Te Rūnanga o Ngāpuhi me te mana whakaea kereme tiriti o te iwi a Tūhoronuku. Ka mutu, he kaiarataki hoki ia mō Te Ohu Kaimoana.

Hei tā Epiha, “Te Timataranga, ko ia i reira. Nga taimaha, nga pouri, koia i reira. Kua tae mai ki tenei wa, kua whakapainga e ia kua mahi he ia, kahore i pa ki te Runanga ne, ka mea mai ratou, ka tatu mai a ia i era nohoranga, kuare ki au tera whakaaro.”

E whiriwhiri tonu ana te Rūnanga ā iwi o Ngāpuhi, he aha te hononga a Tau ki Te Rūnanga ā haere ake nei, a, e hiahia ana rātou ki te whakaputa whakatau hei painga mo te iwi katoa o Ngāpuhi. Otira, Kihai a  Tau i whakaae kia tuku korero mai.