WWII Veteran Albert Asher celebrates 100th Birthday

He kōtuku rerenga tahi Māori kua eke nei ki te kotahi rau tau te pakeke. Ko Albert George Asher o Ngāti Pūkenga me Ngāti Pikiao tērā i whakamānawatia ake i Tāmaki Makaurau i ēnei rangi whakatā.
Ā, mā te whakamana i te koroua me ōna mahinga nui i te rau tau kua horī, kua whakakaha ake anō ngā taura whiri o te whakawhanaungatanga ki waenga tonu i ōna uri maha.

Inā rā te tohu o te huia.

He mōrehu taiea kua pakeke mai nei ki te toi-o-ngā rangi.

Ko tā Geoff Asher, Tamaiti, “I'm absolutely over the moon. I wanted it to be a gathering of the whānau, a very very special occasion for my father, and a lot of heartache, but it came together and I'm absolutely gobsmacked.”

Tōna rua rau nei ngā tāngata i pōī mai ki te uru o Tāmaki Makaurau i ēnei rangi whakatā. Nō te huritau kotahi rau a Albert Asher te reo rāhiri. Āe mārika he hoia mōrehu nō te pakanga tuarua o te ao, he uri nō Tūmatauenga e puta tonu nei ki te whai ao, ki te ao mārama.

Hei tā Gavin Harris, Mokopuna, “You mention it at work and the people just raise some eyebrows. It's a definite buzz to say you've got a 100 year old grandfather. It's pretty exciting he's made the milestone. Hopefully it's in the genes.”

Me te aha, ko tōna pae tawhiti kua whāia kia tata.

“An event like this you really have a good excuse to reel people back in it's cool,” tā Harris.

Hei tā Chris Winitana, "We see the family resemblance, gee you look neat, and we're cheeky as anything."

E, kia renarena tonu rā te taukāea o te whakawhaungatanga.

Ki waenga i ōna uri.

Ko tā Chris Winitana, Ngāti Tūwharetoa, “Ahau, te nuinga o mātou ngā tamariki, kāre tonu anō kia tūtaki ki tēnei hāwhe o te whānau, arā ko te tuakana o tō mātou koroua tīpuna a Jack Asher.”

Hei pātai atu a Te Kāea, “Te āhua nei, he whānau tino pai ki te tākaro whutupōro, ki te tākaro whutupōro riiki anō hoki. He whānau pai ki ngā mahi hākinakina?”

Ko tā Hariata Winitana-Paki, Ngāti Tūwharetoa, “Koirā ngā kōrero kua taka iho mai ki ōku nei taringa. Kua rongo ngā kōrero mō ētahi o rātou he toa ki te pūrei whutupōro.”

Ko ia te tamaiti o Albert Ōpai Asher. Mōna e whakamānawatia nei ki ngā tohu tiketike o ngā kapa Kiwi me te kapa Ōpango anō. Meanei te kōrero nānā tonu te uepū riiki Māori o te motu i tīmata, i te haerenga tuatahi ki Āhitereiria i te tau kotahi mano, e iwa rau, mā waru.

“He was the first cross over, he played league for the national team and then represented for the All Blacks in rugby, so, he was probably our first Sonny Bill Williams, so yeah, he was a colourful character was Opai Asher,” ko tā Harris.

Hei tā Chris Winitana, "I'm sorry my voice is loud, but I'm half deaf, and I'm not even half your age!"

Ā, haunga anō ngā hautoanga i ngā papa tākaro hākinakina i roto i ngā rau tau ki muri. Ko ngā taurā whiri, taura here o te whakapapa e whai wāhi tonu ana ki a rātou anō.

Ko tā Chris Winitana, Ngāti Tūwharetoa “Ko te iwi Hūrae nē, ko ngā Ashers i puta mai i te Dutch Jews, ngā Hūrae o tērā takiwā, ka tōia mai ko tērā toto petipeti, ka tāpirihia mai rā ki tō te Māori, kua 'petipetipetipeti.”

Ā, e tika ana kia riro mā te aporei titi iho i te rangi te kōrero whakamutunga.

Hei tā Albert Asher, Mōrehu, “I've been there. I've done everything you know you name it. You go through these stages.”

Haunga anō ngā whakamānawatanga o ngā rangi whakatā nei, ko tōna huritau ko te Wēnerei e tū mai, kāore e kore whakanuia anō ai tēnei mōrehu i te rā i whānau mai ia he kotahi rau tau ki muri.